Naghahanap na ang Pangulong Rodrigo Duterte ng pondo para sa recruitment ng 7 batalyon ng PNP Special Action Force at 20,000 bagong sundalo.
Sinabi ng Pangulo na hindi kakayanin ng puwersa ng gobyerno na sabay sabay na harapin ang problema sa ISIS, iligal na droga, terorismo at pagbaka sa kriminalidad.
Hindi aniya numero ang problema sa puwersa ng pamahalaan kundi ang bilang ng mga kaganapan na maaaring harapin para idepensa ang Republika.
Ipinabatid ng Pangulo na bina braso na niya ang kaniyang gabinete para kaltasan ang kanilang pondo at may magamit sa recruitment ng mga pulis at sundalo.
By: Judith Larino / Aileen Taliping
SMW: RPE
