“Masaya ako para sa kanya.”
Ito ang reaksyon ni Regine Velasquez nang tanungin kung ano ang kanyang saloobin sa paglipat ng kanyang kaibigang si Jaya sa ABS-CBN.
Aniya, masaya siya na nag-effort pa si Jaya na ipaalam ang desisyon nito sa kanya.
“Nakakatawa nga kasi she didn’t have to do it, na to let me know, but she did it anyway because she has so much respect for me,”“I told her lang, I’m so happy for you. Blessing ‘yan, mare.”Pahayag ng singer-actress sa isang interview.
Matatandaang sorpresang lumabas si Jaya sa noontime program na It’s Showtime bilang hurado sa singing competition na “Tawag ng Tanghalan” nitong weekend at sinabi nitong excited na siyang magtrabaho at magsimulang muli sa Kapamilya network.
Bago ang paglipat sa ABS-CBN ay labing-anim (16) na taong nanatili sa GMA Network ang singer.
