Isiniwalat ng high profile inmate na si Jaybee Sebastian ang umano’y relasyon din ni Senadora Leila de Lima sa dati nitong security aide na si Joenel Sanchez.
Ayon kay Sebastian, kapansin-pansin ang pagiging sweet ni Sanchez sa dating kalihim ng Department of Justice (DOJ).
Sinabi ni Sebastian na “sweetie” pa nga ang tawagan sa isa’t isa ni De Lima at umano’y bagman nitong si Sanchez.
Not untouchable
Samantala, mariing itinanggi ng high profile inmate na si Jaybee Sebastian na untouchable siya sa Bilibid at malakas kay noo’y Justice Secretary Leila de Lima.
Batay sa testimonya ni Sebastian na hindi siya kundi ang kapwa high profile inmate na si Herbert Colanggo ang malakas sa kalihim.
Patunay nito, malaya umanong nakakapagpapasok si Colanggo ng mga kontrabando, matataas na uri ng baril, alak, babae at iba pa.
Maliban dito, malaya din aniyang nakakapag-concert sa loob ng Bilibid ang high profile inmate na si Colanggo.
Not a government asset
Kaugnay nito, pinabulaanan din ni Sebastian na asset siya ng pamahalaan.
Taliwas ito sa pahayag noon ni Senadora Leila de Lima na ahente umano ng gobyerno si Sebastian.
Ayon kay Sebastian, wala siyang ideya sa naturang claim ni De Lima na asset umano siya ng gobyerno sa loob ng Bilibid.
By Ralph Obina
