Matagumpay na nabakunahan si house committee on health chair at Quezon Province Representative Angelina Helen Tan ng unang dose ng Sinovac na mula sa China.
Mababatid na ang naturang pagtuturok ng bakuna kay Tan na isa ring doktor ay ginawa sa Veterans Memorial Medical Center (VMMC).
Sa ngayon, si tan na ang kauna-unahang miyembro ng mababang kapulungan ang ‘legal’ na naturukan ng COVID-19 vaccine.
Matapos nito, iginiit ni Tan na wala dapat ikatakot ang publiko sa usapin ng bakuna.
Paliwanag ni Tan, kailangang maprotektahan ang bawat isa para sabay-sabay na mapagtagumpayan ang nagpapatuloy na epekto ng pandemya.
