Nilinaw ni Philippine National Police o PNP Chief Director General Ronald Dela Rosa na walang pulis na pinugutan ng grupong Maute sa Marawi.
Sinabi ni Dela Rosa na raw information lamang ang natanggap ng Pangulong Rodrigo Duterte nang sabihin nitong pinugutan ng mga terorista ang isang opisyal ng PNP.
Ang tinukoy aniyang opisyal sa naturang impormasyon ay si Senior Insp. Freddie Solar na una nang inakalang pinugutan subalit nang marekober ang labi ay nakitang nasawi ito dahil sa pamamaril.
Tatlong (3) pulis na ang nasawi habang tatlong (3) iba pa ang sugatan sa pagpapatuloy ng bakbakan.
By Katrina Valle | With Report from Jonathan Andal
