Nauwi sa tensyon ang rescue operations ng Manila Social Welfare and Development Office sa mga palaboy sa mga lansangan sa lungsod ng Maynila.
Ayon sa report, umaalma ang mga palaboy sa pagkuha sa kanila ng mga tauhan ng Manila Social Welfare and Development Office kung saan ilan sa mga ito ang nagpumilit na tumakas at namato na ikinasira ng isang kotse.
Agad dinala sa Boys Town at Jose Fabella Center Transients Home sa Mandaluyong ang mga na-rescue na kabataan.
Ipinabatid ng Manila Social Welfare and Development Office, na pakakawalan lamang ang mga ito kung mapapatunayan ng mga ito na mayroon silang maayos na lugar na matitirhan.
By Ralph Obina
