Tiniyak ng Konsulada ng Pilipinas sa Jeddah Saudi Arabia na hindi makakaapekto sa reputasyon ng mga Pinoy doon ang pagkakaaresto sa isang Pinay doon na sangkot umano sa terror attack.
Ayon kay Consul General Imelda Panolong, mananatili ang respeto at tiwala ng Saudi nationals sa mga Pilipino.
Binigyang diin ni Panolong na maganda ang reputasyon ng mga Pilipino sa Saudi kaya’t wala aniyang dapat ipangamba ang mga Pinoy doon.
Samantala, pinaalalahanan naman ni Panolong ang mga Pinoy sa Saudi na ugaliing sumunod sa batas at kulturang sinusunod sa naturang bansa.
By Ralph Obina
