Posibleng ilabas na ng Department of Touris (DOT) sa mga susunod na araw ang resulta ng kanilang imbestigasyon hinggil sa naging paglabag ng hotel kung saan natagpuan ang nasawing flight attendant na si Christine Dacera.
Ayon sa Office of Public Affairs and Advocacy ng DOT, malapit nang matapos ang proseso ng kanilang pagsisiyasat at may ilang dokumento na lamang ang kinukumpleto.
Magugunitang, nagpalabas ng show cause order ang DOT laban sa City Garden Grand Hotel noong Enero 5.
Ito ay upang hingan ng paliwanag ang nabanggit hotel kung bakit hindi dapat makansela ang kanilang accreditation matapos ng ilang paglabag sa mga panuntunan sa umiiral na community quarantine.
Maliban sa DOT, pinagpapaliwanag din ng Makati City business permit and licensing office ang pamunuan ng hotel.
