Pinugutan ng bandidong grupong Abu Sayyaf ang kanilang binihag na retiradong sundalo.
Ayon kay PNP Basilan OIC Supt. Christopher Panapan, kahapon ng umaga nang nakita ang sunog at pugot na katawan ng biktimang si Julio Pasawa sa bahay nito sa Barangay Upper Majayjay Maluso, Basilan.
Batay sa imbestigasyon, pinatay si Pasawa at sinunog kasama ng kanyang bahay habang papatakas na ang mga miyembro ng Abu Sayyaf na unang sumalakay sa Barangay Tubigan.
Si Pasawa ay isang retiradong miyembro ng Philippine Army na may ranggong master sergeant at isang balik-Muslim.
Matatandaang, inatake ng Abu Sayyaf Group ang Barangay Tubigan noong Lunes sa kasagsagan ng pagdiriwang ng piyesta roon kung saan 9 katao ang nasawi.
By Krista de Dios | (Ulat ni Jonathan Andal)
