Matapos ang isang buwan, tinapos na ng mga bumbero ang paghahanap sa mga bangkay sa gumuhong Champlain Towers South sa Florida, USA.
Magugunitang halos 100 ang nasawi sa pagguho ng 12 palapag na gusali noong Hunyo 24.
Ayon kay Miami Fire Chief Alan Cominsky, masyado ng delikado para sa kanila ang kung ipagpapatuloy ang retrieval operations.
Tangi ang 54 anyos na si Estelle Hedaya ang hindi pa natatagpuan pero umaasa ang kanyang mga kaanak matatagpuan ito sa ilan pang bangkay na hindi pa nakikilala.
Maka-ilang beses ng nabalam ang retrieval operations sa gumuhong gusali sa iba’t ibang kadahilanan tulad ng pananalasa ng Tropical Storm Elsa bukod pa sa mga nagbabagsakang debris. —sa panulat ni Drew Nacino
