Nananatiling bigo ang mga miyembro ng New Zealand recovery team na mahanap ang 2 pang bangkay mula sa pumutok na bulkan sa White Island.
Ito’y ayon sa New Zealand police matapos bumalik sa naturang Isla ang mga rescue team sa pagpapatuloy ng kanilang search and retrival operations.
Ayon kay Deputy Police Commissioner Mike Clement, mahigit isang oras ang tinagal ng paghahanap ng mga miyembro ng search and rescue team sa lugar subalit wala silang natagpuan kahit isang katawan duon.
Magugunitang nasa 15 na ang kabuuang bilang ng mga nasawi sa pagputok ng naturang bulkan sa nasabing bansa at inaasahan pang tataas pa ito sa mga susunod na araw.
