Inilipat na sa Quezon City Jail si Reynaldo Parojinog Jr., ang anak ng napatay na alkalde ng Ozamiz City sa isang anti-drug operations sa kanilang tahanan noong Agosto nang nakaraang taon.
Mismong si Quezon City Jail Deputy Warden for Operations Inspector Joel Cruz ang nagkumpirma sa paglilipat ng kulungan kay Parojinog mula Philippine National Police Custodial Center, Huwebes ng hapon.
Si Parojinog Jr. ay kasalukuyang nahaharap sa kasong paglabag sa Comprehensive Dangerous Drugs Act at Comprehensive Firearms and Ammunition Regulation Act.
Samantala nananatili namang nakakulong sa PNP Custodial Center ang kapatid ni Reynaldo Jr. na si Ozamiz City Vice Mayor Nova Princess Parojinog.
