Like father, Like daughter!
Ito ang ipinahiwatig ng aktor na si Richard Gomez matapos magwagi ang anak nito na si Juliana sa Open Fencing Championship sa Thailand.
Sa isang Instagram post ng aktor, sinabi nito na umaasa siyang magtuloy-tuloy ang pagkanalo ni Juliana at makapagdala pa ng maraming karangalan sa bansa.
Sa ilalim ng National Fencing Team nag-training si Juliana, kung saan si Richard ang nagsisilbing Presidente ng Philippine Fencing Association.
Pero hindi lang Fencing ang sports ng dalaga dahil gaya ng kanyang ama, sumasabak din ito sa iba’t-ibang klase ng sports gaya ng Volleyball.
Si Juliana ang nag-iisang anak nina Richard Gomez at Ormoc City Mayor Lucy Torres-Gomez.
