Patay ang nasa 8 preso habang hindi bababa sa 71 iba pa ang sugatan matapos sumiklab ang riot sa loob ng piitan sa Sri Lanka.
Batay sa ulat, ilang linggo nang nagkakagulo sa loob Mahara Jail kasabay ng pansamantalang pagbabawal sa mga bisita dahil sa patuloy na tumataas na kaso ng COVID-19.
Sinasabing, ilang preso sa high security jail ang nakikipag-away na sa mga prison guard matapos namang sunugin ang kusina at bahagi ng administrative office ng piitan at i-hostage ang 2 warden.
Bunsod nito, kinailangan nang gumamit ng dahas at magpaputok ng baril ng may 800 security force members at nasa 200 police commandos para muling makuha ang kontrol sa piitan.
Sa pinakahuling tala, 2 inmates na ang nasawi habang mahigit 1200 mga guards at preso ang nahawaan ng COVID-19.
