Simula na ang Road Reblockings at Repair Activities sa ilang kalsada sa mga lungsod ng Quezon at Pasig ngayong weekend.
Dahil dito, inabisuhan ng Department of Public Works and Highways (DPWH) ang mga motorista na dumaan sa mga alternatibong ruta habang ginagawa ang repair works.
Kabilang sa mga apektadong ang ilang bahagi ng Epifanio De Los Santos Avenue (EDSA) sa Quezon City.
Sa Pasig City, kinukumpuni naman ang ilang parte ng C-5 Service Road sa Barangay Bagong Ilog malapit sa Monocrete Construction sa Lanuza Corner D. Julia Vargas malapit sa Valle Verde at maging ang truck lane sa may bahagi ng C-5 road sa nasabing lungsod.
Umarangkada na ang Road Repairs kagabi at muling bubuksan ang mga apektadong kalsada sa Lunes, November a-14. —sa panulat ni Jenn Patrolla
