Hindi pa handang ma-in love muli ang TV Host na si Robi Domingo.
Inamin ni Domingo na hindi pa siya makapag-pasya kung ano ang gagawin niya sa buhay niya matapos makipag-hiwalay sa long-time girlfriend at kapwa TV Host na si Gretchen Ho.
Sinabi ni Domingo na nais muna niyang i-reassess ang lahat na hindi niya magagawa kung makikipag-date na siya.
Marami na aniyang set up dates ang ginawa ng kaniyang mga kaibigan at lahat ito ay tinanggihan niya.
Sa posibilidad na sweeter the second time around, binigyang-diin ni Domingo na pinag-iisipan niyang mabuti kung ipu-pursue niya muli ang pagsuyo kay Gretchen dahil kapag ginawa niya ito, ito aniya ang dapat dahil hindi na siya makakatalikod pa.
Sa ngayon aniya ay komportable na sila ni Gretchen na nagho-host ng events ng magkasama.
