Ilang hakbang na lang si Swiss tennis star Roger Federer para makabalik sa pangunguna sa world ranking.
Ito ay matapos niyang idispatsa ang kalabang German tennis player na si Philipp Kohlschreiber sa semi finals ng ABN Amro tournament na ginaganap sa Rotterdam.
Isang panalo na lamang ang kailangan ni Federer para masiguro nito ang top ranking na magbibigay daan sa kanya upang sumungkit ng bagong record bilang pinakamatandang number one male tennis player.
Mahihigitan ng 36-anyos na si Federer ang record ni Andre Agassi na huling nahawakan ang paghahari sa tennis sa edad na 33.
—-
