Protektado umano ng isang bigtime na pulitiko sa lalawigan ng Pangasinan ang dating driver-bodyguard at naging lover ni Senadora Leila de Lima na si Ronnie Dayan.
Ayon kay Justice Secretary Vitaliano Aguirre, matagal nang minamanmanan ng National Bureau of Investigation (NBI) si Dayan mula nang pumutok ang pangalan nito sa naging pagdinig ng Kamara hinggil sa illegal drug trade sa loob ng New Bilibid Prisons (NBP).
Gayunman, tumanggi na itong mag-detalye pa si Aguirre hinggil sa pagkakakilanlan ng nabanggit na politiko na tumatayong protektor umano ni Dayan.
Magugunitang naging wanted si Dayan matapos magpalabas ng warrant of arrest ang House Committe on Justice dahil sa hindi nito pagsipot sa naging pagdinig ng komite hinggil sa naturang usapin.
By Jaymark Dagala
