Namaga umano ang kamay ni Pangulong Rodrigo Duterte nang suntukin ang pader sa Malakanyang.
Ito ang ibinunyag ni Philippine National Police Chief Director General Ronald Dela Rosa, matapos aniya magalit ang pangulo nang malamang ibinasura ng Department of Justice ang kaso ng mga bigtime drug lords na sina Kerwin Espinosa at Peter Lim.
Ayon kay Dela Rosa, hindi totoong alam na ni Pangulong Duterte ang naging rekomendasyon ng prosecution panel ng DOJ sa nasabing kaso bago pa man ito nabalita.
Samantala, itinanggi naman ni Presidential Spokesperson Harry Roque ang inihayag ni Dela Rosa.
Ayon kay Roque, hindi niya nakita ang nasabing pangyayari kung saan sinuntok umano ni Pangulong Duterte ang pader ng Malakanyang dahil sa galit.
Dagdag ni Roque, imposibleng nangyari ito noong nakaraang martes dahil hindi naman niya aniya nilubayan ang pangulong sa nasabing araw
