Hindi ‘Lame Duck’ si President Rodrigo Duterte sa huling natitirang buwan ng kanyang termino.
Ito ang sinabi ni dating Presidential Spokesman Harry Roque kaugnay sa mataas na performance at trust rating ng pangulo sa Pulse Asia Survey nitong Setyembre.
Sa latest survey ng Pulse Asia, nakakuha ang punong ehekutibo ng 64% performance rating at 63% trust rating.
Aniya, bagama’t bahagyang bumaba ang puntos na nakuha ng pangulo ay nananatili namang mataas ang kanyang rating kumpara sa mga nakalipas na Pangulo ng Pilipinas.
Kaugnay nito, nagpaabot naman ng pasasalamat ang Malacañang sa publiko dahil sa patuloy na suporta at pagtitiwala kay Pangulong Duterte. —sa panulat ni Hya Ludivico
