Nakiusap sa Pangulong Rodrigo Duterte si presidential spokesman Harry Roque na iwasan nang tawaging mataba si senador Richard Gordon.
Ito ay matapos tila “tinamaan” si Roque sa pasaring ng Pangulo kay Gordon na ang pagiging mataba ay “eye sore” o pangit sa kanyang paningin.
Pabirong sinabihan ni Roque ang Pangulo na hindi na nito dapat sitahin ang katabaan dahil siya ay mataba rin.
Inamin ni Roque na nais niyang magbawas ng timbang, subalit dahil sa restrictions ay sarado naman ang mga gym at fitness centers, samantalang bawal ang pag-e-exercise sa labas ng bahay.
