Inamin ng aktres na si Roxanne Barcelo na may dini-date na siyang non showbiz guy sa kasalukuyan.
Ayon kay Roxanne, bagama’t nakahanda naman siyang magmahal muli at pumasok sa isang relasyon, nais niya pa ring maghinay-hinay dito.
Sinabi ng aktres, sa tatlong taon niyang pagiging single, kanyang na-realize na kaya niyang maging masaya kahit walang nobyo o partner sa buhay.
Na-e-enjoy aniya niyang magtravel mag-isa o kasama ang mga kaibigan.
Dagdag ni Roxanne, gusto niya ring maging pribado ang sa ngayon ang estado nila ng kanyang dini-date na non showbiz guy at tumangging magbigay ng detalye sa pagkakakilanlan nito.
