Kumambyo si LP Standard Bearer Mar Roxas sa pakikipagbatuhan ng putik sa PDP-Laban presidential candidate na si Davao City Mayor Rodrigo Duterte.
Inihayag ni Roxas na handa siyang makipagdebate anumang oras o araw kay Duterte sa halip na magsampalan, suntukan o barilan.
Ayon sa dating kalihim ng Department of Interior and Local Government (DILG), dapat na nilang itaas ng alkalde ang lebel ng kanilang sagutan sa political arena.
Iginiit ni Roxas na dapat buksan ang mga tunay na issue partikular ang mga problemang kinakakarap ng mga mamamayan.
Magugunitang inihayag ni Duterte na handa siyang makipagdebate kahit kaninong kandidato matapos ang word war nila ni Roxas.
By Drew Nacino
