Inakusan ng kampo ni Davao City Mayor Rodrigo Duterte si Liberal Party Standard Bearer Mar Roxas na ngayon pa lang ay namimili na ng boto.
Ayon sa tagapagsalita ni Duterte na si Peter Laviña, sinusuhulan umano ni Roxas ang mga pinuno ng lokal na pamahalaan sa pamamagitan ng bottom up budget o BUB Program.
Reklamo ni Laviña, milyong-milyong pondo ng bayan ang iniaalok ng Liberal Party kapalit ng suporta sa kandidatura ni Roxas.
Ang BUB ay proseso ng paghahanda sa budget batay sa pangangailangan ng lokal na pamahalaan kabilang ang mga barangay.
Matatandaang sa talumpati ni Roxas sa League of Municipalities of the Philippines, sinabi ng manok ng LP na maraming pondo ang kanilang ilalaan sa BUB o kabuuang P100 bilyong piso.
Katumbas aniya ito ng P1,000 sa kada Pilipino kada taon.
By Ralph Obina
