(Posted 7:00pm, May 19, 2018)
Nagsimula na ang royal wedding nina Prince Harry ng United Kingdom at ng Hollywood Star na si Meghan Markle sa St. George Chapel sa loob ng Windsor Castle.
May 17, Huwebes, nang dumating ang royal couple sa Windsor Castle para magsanay sa seremonya ng kanilang kasal.
Kumpirmado naman na hindi makadadalo ang ama ni Meghan na nasa hospital matapos ang heart surgery habang dumating naman na sa London ang ina nito.
May special participation naman ang mga pamangkin ni Prince Harry na sina Prince George at Princess Charlotte na magsisilbing page boy at bridesmaid.
Mahigpit naman ang ipinatutupad na seguridad sa paligid ng Windsor kung saan daang libong mga katao ang nag campout sa labas nito kung saan kasama ang ilang mga pinoy doon.
