Hindi pa rin maitatago ni Ruffa Gutierrez ang kanyang “concern” sa ex-boyfriend na si John Lloyd Cruz makaraang kumalat ang video at mga larawan nito sa social media na lasing at “wild” kasama ang kapwa artistang si Ellen Adarna.
Ayon kay Ruffa, agad siyang nag-text kay Lloydie nang makita ang mga video at larawan sa Instagram.
Sinabi anya ni Ruffa sa text na nag-aalay siya ng panalangin para sa dating nobyo at umaasang malalampasan ang anumang pinagdaraanan nito.
Sinagot naman ng kapamilya actor ang mensahe ng ex-girlfriend at nagpasalamat sa pag-aalala nito.
Aminado si Ruffa na kung siya ang tatanungin ay tiyak na masasaktan o mapatay niya ang sinumang nag-post ng video at picture nang wala niyang permiso.
Nilinaw naman ng aktres na bagaman bihira na silang magkita ni Lloydie ay “friends” pa rin sila at anuman ang kanilang pinagdaanan ay nakalipas at inayos na nila ito.
Bandang huli, sinabi ni Ruffa na wala naman na siyang maipapayo para sa ex-bf lalo’t alam na nito ang tama at mali pero dapat piliin nito kung sino ang mga dapat kaibiganin at samahan.
SMW: RPE
