Mas pinatindi pa ng mga warplanes ng Russia ang pambobomba sa mga pinaniniwalaang kuta ng mga rebelde sa Syria.
Sinasabing ginawa ito ng mga Russian jets ilang oras bago tumugon ang iba’t ibang grupo sa panawagang tigil-putukan.
Iginiit naman ng Russia na magpapatuloy pa rin ang mga pambobomba nila sa mga lungga ng mga terorista sa ilang parte ng Syria.
Kasabay nito, halos 100 paksyon na umano ng mga rebelde ang nakikiisa sa panawagang igalang ang ceasefire.
Katunayan, ayon sa high negotiations committee lumagda na sa tigil-putukan ang free Syrian army factions at gayundin ang armed opposition.
By Jelbert Perdez
Photo Credit: AFP/bbc
