Binuking ni Kim Chiu na hiniling ng kanyang leading man sa pelikulang ‘Da One That Ghost Away’ na si Ryan Bang na magkaroon sila ng kissing scene.
Ayon kay Kim napaka-generous aniya ni Ryan na nagpapa-pizza sa buong set ng kanilang pelikula tuwing nagkakaroon sila ng eksena ng holding hands at yakapan.
Pero sa kabila aniya nito, ay bigo pa rin si Ryan na makuha ang inaasam niyang kissing scene kay Kim.
Gayunman, nakuha naman aniya ni Ryan ang isa pa nitong wish na umiyak sa pelikula na pinagbigyan naman ng kanilang direktor.
‘Yun nga lang, sinabi ni Kim na sa mismong ipinalabas na pelikula ay tinanggal ang naturang eksena.
