Hinimok ng Department of the Interior and Local Government (DILG) ang lahat ng establisimyento at opisina na i-secure at i-display ang kanilang safety seal certifications.
Ito, ayon sa DILG, ay bilang pagtalima sa minimum public health standards laban sa COVID-19.
Inihayag ni Interior Undersecretary Jonathan Malaya na bagaman hindi mandatory, makatutulong ang nasabing hakbang upang matiyak ng mga establisimyento ang kaligtasan ng kanilang customers sa gitna ng pandemya.
Dapat din anyang i-post ang safety seal certifications sa social media sites.
