Palalawigin pa ng Department of Transportation (DOTR) ngayong linggo ang mga ruta para sa libreng sakay sa mga pasahero sa ilalim ng ikatlong phase ng service contracting program.
Ayon kay transportation undersecretary Mark Steven Pastor, sakop ng libreng sakay maging ang mga pampublikong sasakyan sa Visayas at Mindanao tulad ng PUVs, UV Express at buses.
Ang EDSA Bus Carousel ang kauna-unahang ruta na binuksan sa ilalim ng inisyatibo.
Sa ilalim ng service contracting program, tatanggap na ang mga bus driver sa EDSA busway ng 84 pesos mula sa 82 pesos kada kilometro.
Habang ang mga jeep drivers at iba pang bus drivers ay tatanggap ng 55 pesos mula sa 54 pesos na kada kilometro.
