Umamin na ang Kapamilya hunk na si Sam Milby na nagkagusto nga siya kay Maja Salvador.
Sa naging panayam sa kaniya ng Queen of All Media na si Kris Aquino, inamin ni Sam na sinubukan niyang magparamdam kay Maja. Tatlong taon na ang nakalilipas.
Mabait at totoong tao kung ilarawan ni Sam si Maja, bagay na kaniyang nagustuhan sa dalaga.
Ngunit tumanggi na si Sam na magdetalye pa nang tanungin kung bakit hindi nito ipinagpatuloy ang pagpaparamdam kay Maja.
Sa kasalukuyan, pinanindigan ni Sam ang kaniyang naunang pahayag na interesado siya sa isang non showbiz girl at hindi naman aniya tama na ma-ugnay pa si Maja rito.
By Jaymark Dagala
