Muling nagkasa ng kilos-protesta ang Alliance of Health Workers (AHW) sa tapat ng Department of Health sa Sta.Cruz, Maynila.
Kasabay ng pagdiriwang ng Valentine’s Day ay isinagawa ng nasabing samahan ang Black Heart’s Day Protest.
Ayon sa grupo, tila hindi naisip ng gobyerno ang kaligtasan, proteksyon, karapatan at kapakanan ng health workers na patuloy na tumutulong upang maiwasan ang pagkalat ng COVID-19.
Nangangamba naman anila ang mga nasabing indibidwal na mabawasan pa ang mga benepisyong natatanggap ngayong pandeya dahil natapos na ang ilang probisyon nito sa ilalim ng Bayanihan Law 2 na napalitan ng One COVID-19 Allowance (OCA). – sa panulat ni Airiam Sancho
