Kuntento si San Juan City Mayor Francis Zamora sa naging paaran ng paghawak ng mga awtoridad sa pagresolba sa nangyaring hostage taking incident sa V-mall Greenhills Shopping Center.
Ito aniya ay bagama’t inabot na ng mahigit 10 oras ang nabanggit na hostage drama.
Ayon kay Zamora, simula pa lamang ng kanilang pagpaplano ay target na nilang makalabas ng buhay ang lahat ng mga biktima maging ang suspek na si Archie Paray at hindi umabot pa sa putukan.
Sinabi naman ni Zamora na bahagi ng naging negosasyon sa pagitan ng mga awtoridad at ng suspek ang pagharap nito sa media.
