Posibleng ideklara nang ‘cleared’ ng Department of Agriculture o DA ang San Luis Pampanga sa bird flu sa loob ng dalawang linggo.
Ayon kay Agriculture Secretary Manny Piñol, ito ay kapag wala ng panibagong kaso ng bird flu na naitala bago matapos ang buwan.
Ngunit ayon sa kalihim, maghihintay pa ng 90-araw ang nasa loob ng quarantine zone bago magsimulang mag-alaga ng manok matapos ang 35 araw na ‘observation period’.
Samantala, iniutos ni Secretary Piñol na magsagawa ng malawakang surveillance at pangongolekta ng sample upang matiyak na wala ng manok ang nagtataglay ng bird flu mula sa iba’t ibang panig ng bansa.
By Arianne Palma
