Mariing pinabulaanan ni Sandara Park o Dara ng Korean pop group na 2NE1 ang pagkakaugnay sa hiwalayan nina Kapamilya hosts, Robi Domingo at Gretchen Ho.
Sa isang presscon para sa kanyang pelikulang One Step, binigyang diin ni Dara na magkaibigan lamang sila ni Robi at sadyang naging close sa isa’t isa.
Para kay Dara, hindi aniya magandang marinig ang isyu dahil ayaw niyang masira ang pagkakaibigan nila ng TV host.
Kasunod nito, aminado rin si Dara na hindi pa siya handang pumasok muli sa isang relasyon.
Aniya, sobrang busy ng kanyang schedule dahil sa sunod-sunod na commitment at walang panahon para magkaroon ng boyfriend.
Gayunman, hindi isinasara ni Dara ang kanyang puso kung sakaling dumating ang kanyang itinuturing na prince charming.
By Krista de Dios
Photo Credit: daraxxi / Instagram
