Ipinagpaliban ng Sandiganbayan ang arraignment kay dating Palawan Governor Joel Reyes kaugnay sa kasong graft na kanyang kinakaharap dahil sa Fertilizer Fund Scam.
Ito’y dahil sa nakabinbing motion to quash na inihain nina Department of Agriculture o DA Officer-in-Charge Regional Technical Director Rodolfo Guieb at DA Regional Executive Director Dennis Araullo na kapwa-akusado ni Reyes.
Ang tatlo ay nahaharap sa kasong paglabag sa Section 3 (e) ng Republic Act Number 3019 o Anti-Graft and Corrupt Practices Act dahil sa umano’y maanomalyang pagbili ng liquid fertilizers mula sa MAMFI o Masaganang Ani para sa Magsasaka Foundation Inc. noong 2004 nang hindi dumadaaan sa public bidding.
Muling itinakda ang arraignment kina Reyes, Guieb at Araullo sa Abril 4.
By Meann Tanbio |With Report from Jill Resontoc
