Nakatakdang maglabas ng resolusyon ang Sandiganbayan 1st Division hinggil sa hirit na furlough ni Dating Senador Bong Revilla Jr.
Hiniling ni Revilla na makalabas mula sa detention cell ng PNP simula sana December 28 hanggang 29, at December 31 hanggang January 1, 2017 para bisitahin ang maysakit na ama na si Dating Senador Ramon Revilla Sr.
Naka-confine ang matandang Revilla sa St. Lukes Medical Center sa Bonofacio Global City sa Taguig noong December 22 matapos ma-diagnose ng acute kidney infection.
Nauna nang pinagbigyan ng Sandiganbayan ang unang request for furlough ni Revilla upang bisitahin ang kanyang ama na isinugod sa ospital dahil sa severe sepsis secondary to pneumonia.
By: Meann Tanbio / Jill Resontoc
