Sumuko na si Philippine Charity Sweepstakes Office (PCSO) Board Member Sandra Cam sa Criminal Investigation and Detection Group (CIDG).
Ito’y ayon mismo kay CIDG Director P/BGen. Albert Ignatius Ferro kaugnay ng kasong ipinagharap laban kay Cam dahil sa pagpatay kay batuan, Masbate Vice Mayor Charlie Yuson III noong 2019.
Ayon kay Ferro, ang kanilang regional force unit sa CALABARZON ang nagsilbi ng warrant kay Cam sa isang ospital sa Maynila kung saan siya nakaconfine sanhi ng hindi tinukoy na karamdaman.
Sakaling bumuti na ang lagay ni Cam, sinabi ni Ferro na dadalhin ito sa Kampo Crame upang doon isailalim sa kanilang kustodiya.
Kahapon, naglabas na ng warrant of arrest ang Manila Regional Trial Court laban kay Cam, gayundin naman sa kasalukuyang vice mayor ng Batuan na si Nelson Cambaya at apat na iba pa. —ulat mula kay Jaymark Dagala (Patrol 9)
