Patay ang labindalawa (12) katao kabilang ang isang sanggol sa pagguho ng lupa bunsod ng walang tigil na pag-ulan sa Bangladesh.
Ayon sa mga awtoridad, nangyari ang mga landslide sa distrito ng “Cox’s Bazar” at “Rangamati” na pawang malapit sa border ng Myanmar kung saan nananatili ngayon ang mga Rohingya refugees.
Dahil dito, pinangangambahang mabiktima rin ng mga pagguho ng lupa ang mahigit dalawandaang libong (200,000) refugees kapag nagpatuloy pa ang mga pag-ulan.
Sa ngayon ay pinag-aaralan na ng gobyerno ng Bangladesh kung saan ire-relocate ang mga nasabing refugees.
—-
