Patay ang isang sanggol na lalaki nang sumiklab ang sunog sa isang residential area sa Barangay 178 sa Maricaban, Pasay City, kagabi.
Kinilala ang apat na buwang gulang na nasawi na si Alex Cabil.
Ayon kay Ground Commander Fire Superintendent Paul Pili, nagsimula ang sunog dakong ala 5:30 ng hapon at idineklarang fire out pasado alas 9:00 na ng gabi.
Patuloy naman ang imbestigasyon ng pulisya sa naging sanhi ng sunog, detalye ng pagkamatay ng sanggol at halaga ng mga napinsala.
Matatandaang kamakailan lamang ay siyam na magkakamag-anak naman ang nasawi matapos ma-trap sa sunog sa kanilang bahay sa kapareho ring barangay.
