Nilinaw ng pharmaceutical company at dengvaxia vaccine manufacturer na Sanofi Pasteur na walang koneksyon sa kanilang mga produkto ang ipinataw na isang taong suspensyon ng Food and Drug Administration o FDA.
Ayon sa Sanofi Pasteur, batay sa natanggap nilang abiso mula sa FDA, sila ang pinatawan ng suspensyon matapos mabigong sumunod sa post marketing requirements ng ahensya at walang koneksyon sa kanilang product profile.
Iginiit pa ng Sanofi na regular ang kanilang ginagawang pagsusuri sa kaligtasan at bisa ng lahat ng kanilang mga bakuna.
Kasabay nito, nangako ang Sanofi Pasteur na patuloy na makikipag-uganyan at tulungan sa FDA.
Matatandaang, lumabas ang suspensyon laban sa Sanofi Pasteur matapos aminin nito na posibleng maging mapanganib ang dengvaxia vaccine sa mga walang history ng dengue.
