Nananatiling buhay ang tambalang Miriam Santiago at Bongbong Marcos.
Inihayag ito mismo ni Senador Marcos, bagamat ‘ni minsan ay hindi pa nakita ng publiko na magkasama ang dalawa sa pag-iikot.
Nabatid mula kay Marcos na hindi sila nagkakausap ngayon ni Santiago nitong mga nakaraang araw at tanging staff nila ang may komunikasyon para sa magiging iskedyul kapag nagsimula na ang kampanya.
Kapansin-pansin na hindi nakikita si Santiago, ‘di tulad noong nakalipas na mga buwan na nagiging guest speaker ito sa ilang speaking engagement.
By Meann Tanbio | Cely Bueno (Patrol 19)
