Walang plano si Special Assistant to the President (SAP) Christopher ‘Bong’ Go na tumakbo sa Senado.
Matatandaang noong anibersaryo ng Bureau of Customs (BOC) ay hinikayat ni Pangulong Rodrigo Duterte si Go na dumalo sakaling magkaroon ng pagdinig ang Senado sa 15.7 bilyong pisong ‘frigate deal’ ng Philippine Navy dahil napakagandang oportunidad aniya ito para siya ay tumakbong senador.
Ayon kay Go, nagbibiro lamang ang Pangulo nang ipahayag nito ang kanyang pagtakbo sa Senado.
Aniya, nakatutok lamang siya na magserbisyo sa Pangulo hanggang sa kamatayan.
Sa nasabi ding okasyon ay sinabi ng Pangulo na balak ni Philippine National Police (PNP) Chief Ronald Dela Rosa na tumakbong Gobernador.
