Tiniyak ni Agriculture Secretary William Dar na sapat ang suplay ng agricultural products sa mga darating na araw hanggang sa makarekober ang mga magsasaka mula sa pinsalang dulot ng bagyong Maring.
Batay sa assessment ng ahensya, malaking pinsala ang idinulot ng bagyo sa Region 1, 2, 3, 4-b, 5, 6 at 12 gayundin sa Cordillera Administrative Region, na umabot ng P2.1-B.
Sinabi pa ni Dar na nakikipag-ugnayan na sila sa iba pang rehiyon para sa alternatibong suplay ng gulay sa NCR.
Samantala, tiniyak naman ng kagawaran na may nakahandang tulong para sa mga magsasaka na naapektuhan ng bagyong Maring. —sa panulat ni Hya Ludivico
