Bukas si Presidential daughter at Davao City Mayor Inday Sara Duterte sa imbestigasyon ng Office of the Ombudsman hinggil sa umanoy’ tagong-yaman ng kaniyang amang si Pangulong Rodrigo Duterte.
Ayon sa nakababatang Duterte, magbibigay-daan ito upang sagutin ng kaniyang pamilya ang mga alegasyon ni Senador Antonio Trillanes.
Tamang venue aniya ang Ombudsman upang mabatid ang katotohanan sa likod ng mga ibinabatong akusasyon ng senador sa kanilang pamilya.
Magugunitang inihayag ni Presidential Legal Counsel Atty. Salvador Panelo na walang itinatagong daan-daang milyong pisong bank accounts ang Pangulo dahil sa katunayan ay matagal na itong lumagda sa waiver upang busisiin ng kaniyang mga kritiko ang kaniyang pera sa bangko.
