Negatibo sa drug test si Vice Presidential Aspirant Davao City Mayor Sara Inday Duterte matapos sumailalim sa pagsusuri.
Ayon sa alkalde, ang kanyang pagsailalim sa drug test ay kusang loob niyang ginawa para maibalik ang tiwala ng publiko sa mga public officials.
Giit pa ni Sara na ang tandem nila ni Bongbong ay kaisa sa kampanya kontra iligal na droga.
Matatandaang, sinabi ni Pangulong Rodrigo Duterte na may isang presidential aspirant na gumagamit umano ng cocaine. Tinawag din ng pangulo ng mahinang lider ito, walang nagawa, at nakilala lang dahil sa kanyang ama.
Hindi naman nababahala ang kampo ng dating senador Bongbong Marcos sa naging pahayag ng pangulo dahil hindi naman siya ang pinatutungkulan umano nito.
