Kinumpirma ng singer / actor na si James Reid ang kanyang bagong pelikula na ipapalabas bago matapos ang taon.
Sa pagkakataong ito, makakasama niya ang Popstar Royalty na si Sarah Geronimo, sa Filipino remake ng hit 2014 Korean film na ‘Miss Granny’.
Sa panayam ng ASAP Chillout ng Kapamilya network, sinabi ng aktor na ‘excited’ na siya na mabuo ang pelikula kasama si Sarah G.
Sa tanong na kung kasama sa proyekto ang girlfriend na si Nadine Lustre, sinabi nitong hindi ngunit mayroon din itong sariling ‘solo movie’.
Samantala, paglalahad ni James, nagsisimula na silang mag-shooting ni Sarah G. para sa naturang pelikula.
