Sarah Geronimo di pa handang magpakasal

Hindi pa handa si popstar royalty Sarah Geronimo na pumasok sa buhay may asawa.

Ito ang naging pag-amin ni Sarah nang tanungin sa programang Tonight with Boy Abunda.

Ayon kay Sarah, gusto niyang isipin na handa na siyang magpakasal sa kanyang boyfriend nang tatlong taon na, na si Matteo Guidicelli pero aniya hindi pa.

Aniya, late bloomer talaga siya at kahit na magbebeinte nuebe anyos na ay pakiramdam pa rin niyang teenager pa rin siya.

Giit pa ni Sarah, ayaw niyang maging selfish sa kanyang partner at nais niya munang maging si Ms. Right para kanyang Mr. Right.

Nagbigay naman ng mensahe si Sarah sa kanyang future husband at sinabing hindi na siya makapaghintay na makasama ito habang buhay pero hinihingi niya ang pasensya nito at pag-intindi hanggang sa araw na maging handa na siyang magpakasal.

Samantala, sa hiwalay na pahayag, hindi naman itinanggi at hindi rin inamin ni Matteo ang lumabas na isyung ikakasal na sila ng singer.

Tawa lamang ang isinagot ni Matteo at sinabing baka sa movie, patukoy sa pelikula ng kasintahan kasama ang aktor na si John Lloyd Cruz.

By  Krista de Dios

Comments

comments