Hindi muna mag-eendorso si Popstar Princess Sarah Geronimo para sa nalalapit na 2016 elections.
Paliwanag ni Sarah, sa ngayon ay hindi muna mauulit ang pag-endorso niya ng mga pulitiko.
Bagamat itinuturing na aral ang dating karanasan, hindi naman iniisip ni Sarah na pagkakamali ang ginawa niyang pag-eendorso noong mga nakalipas na eleksyon.
Aminado ang singer-actress na nakaapekto noon sa kanyang career ang pag-endorso niya ng ilang pulitiko.
Sinabi ng Popstar Princess na sa susunod na mag-eendorso siya, kailangan ay bukas na aniya ang kanyang isip sa mundo ng pulitika at suportado niya ang pananaw ng ieendorsong pulitiko.
By Meann Tanbio
