Niyanig ng magnitude 7.2 na lindol ang bayan ng Sarangani sa Davao Occidental alas-4:23 kaninang madaling araw.
Ayon sa PHIVOLCS o Philippine Institute of Volcanology and Seismology, tectonic in origin ang nasabing lindol na may lalim na walumpu’t pitong (87) kilometro.
Sa ngayon ay patuloy na nararamdaman ang mga aftershocks sa probinsya at mga karatig lugar.
Samantala, kinansela na ng ahensya ang unang inilabas na tsunami advisory sa mga lugar malapit sa Celebes Sea kabilang na ang Sarangani, Davao Occidental, South Cotabato, Davao Oriental at Sultan Kudarat matapos ang malakas na lindol.
